Mwili wa mhubiri mmoja mwenye umri wa makam usiku wa kuamkia Jumamosi ulipatikana umenimg'inia nyumbani kwake eneo la Katheani katika kata ya Kaewa kaunti ndogo ya Kathiani.
Akidhibitisha kisa hiki chifu wa kata ya Kaewa, Titus Mbuva amesema kuwa mwanamume huyo ambaye ni mhubiri katika kanisa moja na baba ya watoto wawili aligombana na mke wake njiani wakitoka ushirika kwa mshirika mmoja.
Aidha alisema kuwa mwanamume huyo alielekea nyumbani pale na mke wake alielekea katika boma moja kuwachukua wanao aliokuwa amewaacha wakienda ushirika.
Chifu huyo aliezea kuwa mwanamke huyo alipofika nyumbani pamoja na watoto alimpata mumewe amejifungia kwa nyumba pale baada ya kubisha bila kufunguliwa alipiga mayowe kuita majirani waliovunja mlango walipopata mwili wa mwanamume huyo umening'inia.
"Mwanamume huyo aliharakisha kurudi nyumbani mke wake alipoenda kuchukua watoto pale alifika na kujitia kitanzi," alisema Mbuva.
Vilevile chifu Mbuva aliwashauri wakaaji wawe wakitafuta ushauri kutoka kwa wataalamu endapo wana shida zozote zile na sio kuamua kujitoa uhai.
Mwili wa mwanamume huyo aliyetambulikana kama John Kyeva ulipelekwa katika hifadhi ya maiti ya hospitali ya Kathiani.