Vifaa viwili vinavyoshukiwa kuwa Bomu vilipatikana hapo siku ya Jumanne mahali kuwili tofauti katika Kata ya Muthesya, kaunti ndogo ya Yatta.
Akidhibitisha kisa hiki kupitia njia ya simu chifu wa kata ya Muthesya, Musyoka Wambua alisema kuwa kifaa kimoja kilipatikana katika soko la Makutano pale watu wengine walikuwa wakichimba msingi wa nyumba na kingine katika eneo la Kathiini kata ndogo ya Kathukini karibu na mto pale kilionekana na mchungaji mmoja wa mifugo.
Wambua alielezea kuwa watu hawa walipiga ripoti kwa polisi waliofika na kuchukua vifaa hivi.
Aidha alielezea kuwa inawezekana kuwa vifaa hivi vinatokana na mazoezi ya kulenga shabaha ya wanajeshi hapo kale.
Chifu Wambua alieleza kuwa vifaa hivyo vimewekwa vizuri ili kuepuka kuwataalamu wa Bomu wamejulishwa na wanatarajiwa kufika hivi Leo ili kulipua vifaa hivi.
"Vifaa hivi vimewekwa vizuri na wataalamu wa Bomu wanatarajiwa kufika hivi Leo ili kulipua vifaa hivi," alisema Wambua.
Haya yanajiri wiki mbili baada ya kifaa kingine kupatikana katika eneo la Kwa ndolo katika kaunti hiyo ndogo ya Yatta.