Mwanamume mmoja siku ya Ijumaa alipoteza maisha yake baada ya kukanyagwa na lori walilokuwa wakisukuma katika eneo la Kikunyuani, kaunti ndogo ya Kathiani katika kaunti ya Machakos.
Akidhibitisha kisa hicho, naibu wa chifu wa kata ndogo ya Lita Samuel Nzale alisema kuwa mwanamume huyo alikuwa akisukuma lori liliokuwa limebeba vitu vya nyumba baada ya kukwama kwenye matope.
Aidha chifu huyo alisema kuwa mwanamume huyo alikuwa kati ya wanaume wanne waliokuwa wakisukuma lori hilo ili kuliwezesha kusonga kutokana na barabara ho kujaa matope.
Nzale aliongeza kuwa lori hilo lilirudi nyuma na kumkanyaga mwanamume huyo katika kifua chake na aliaga dunia papo hapo, na kuwaomba watu kuwa makini hasa wanaposukuma magari ili kueupuka visa kama hivyo.