Mwili wa mwanamume mwenye umri wa makamo ulipatikana katika mto mmoja katika eneo la Biebo wilayani Nyamira kaskazini kaunti ya Nyamira.
Mwili huo ulipatikana ukiwa na majeraha mengi huku ukifungwa kamba shingoni na tumbo .
Akitibithisha kisa hicho siku ya Jumatano, mkuu wa polisi wilayani Nyamira kaskazini Joseph Mtendei alisema watoto walikuwa wanacheza kandokando mwa mto huo eneo la Biebo na kuona mwili huo huku wakipasha habari wakazi wengine ambao waliripoti kwa kituo cha polisi.
Mtendei alisema huenda mwanamume huyu aliuliwa kwingine na kusafirishwa katika eneo hilo kwani hakujulikana anakotoka katika eneo hilo.
“Huyu mwanamume hajulikani hapa, huenda aliuaawa kwingine na kuletwa eneo hili lakini maafisa wa polisi wameanzisha uchunguzi kubaini ukweli halisi wa mambo,” alisema Mtendei.
Maafisa wa polisi walisafirisha mwili hadi chumba cha kuhifadhi maiti katika hospitali ya Nyamira huku uchunguzi ukiendelea.