Polisi katika Wadi ya Kola, Kaunti ya Machakos, wameanzisha msako dhidi ya washukiwa walioiba mbuzi wawili kutoka eneo la Katanga.
Akithibitisha kisa hicho siku ya Ijumaa, naibu wa chifu wa Katanga, Matthew Muindi, alisema kuwa mbuzi hao wa rangi nyeusi na nyeupi, waliibiwa kutoka boma moja katika eneo hilo.
Aidha, naibu chifu huyo alisema kuwa washukiwa hao waliwachinja mbuzi hao katika msitu mmoja ulioko kilomita chache kutoka kwa boma hilo.
Muinde alisema kuwa walipata matumbo na ngozi ya mbuzi hao katika kicha hicho.
Afisa huyo wa utawala alilalamikia ongezeko la wizi wa mifugo katika eneo hilo hasaa msimu huu wa Krismasi, na kuwaomba wakaazi kuwa makini.
"Ningependa kuwaomba wakaazi kuwachunga mifugo wao kwani wizi was mifugo hushuhudiwa sana katika msimu huu wa sikukuu ya Krismasi,” alisema Muindi.
Aidha, aliwaomba wakaazi kutoa habari zozote zinazoweza wasaidia maafisa wa polisi kuwatia mbaroni washukiwa hao.