Mshirikishi wa tume ya IEBC katika eneo la Central Rift David Towett amepuzilia mbali madai kwamba mashine za BVR zinazotumika katika kuwasajili wapiga kura zitasababisha saratani.
Towett ameyataja madai hayo kama porojo na kuwataka wananchi kuyapuuzilia mbali, akisema hakuna utafiti uliofanywa kuthibitisha kuwa mashine hizo zinasababisha saratani.
Akizungumza afisini mwake, Towett alisema kuwa mashine za BVR ziko salama na kuwa zinatumika katika mataifa mengi duniani.
"Kuna watu wanaeneza porojo kuwa mashine za BVR zinasababisha saratani na kuwataka watu waepuke kujiandikisha, lakini nataka kusema kuwa hiyo ni porojo na kuwataka wakenya kuyapuuzilia mbali madai hayo," alisema Towett.
"Hakuna ukweli katika madai hayo kwa sababu BVR zinatumika ata Marekani na hatujasikia zimesababisha saratani," aliongeza.