Share news tips with us here at Hivisasa

Shamrashamra za Krisimasi zilikatika siku ya Jumatatu na huzuni kutanda kijijini Thinu Kathiani baada ya mwanamume mmoja was miaka 58 kufariki.

Hii ni baada ya mzee huyo kubugia pombe kupindukia.

Akidhibitisha kisa hicho chifu wa kata ya Mitaboni Joseph Wambua alisema mwanamume huyo alikuwa amekunywa pombe kupita kiasi.

Aidha Wambua alisema kuwa baada ya kulewa chakari, mwanamume huyo aliondoka na kulala nje ya kilabu hicho.

"Marehemu alisherehekea kupita kiasi bila kutilia maanani hali yake ya mwiili,ndipo kapoteza maisha take," alisema Wambua.

Vilevile Wambua alisema kuwa mwili wa mwanamume huyo ulichukuliwa na kupelekwa katika hifadhi ya maiti ya hospitali ya Kathiani huku polisi wakianzisha uchunguzi.