Mwili wa mwanamume mmoja mwenye umri wa makamo umepatikana umetupwa kando ya barabara katika eneo la Ngelani kaunti ndogo ya Kathiani kaunti ya Machakos.
Kisa hiki kimedhibitishwa na chifu wa kata ya Ngelani Martin Muumbi aliyesema kuwa mwili huo ulipatikana mwendo wa leo asubuhi na watu waliokuwa wakienda shughuli zao.
Chifu huyo alisema kuwa kilichosababisha kifo cha mwanamume huyo hakijajulikana kwani alikuwa na alama mikononi inayoweza kuwa ishara kuwa alikuwa amefungwa kwa waya.
Kulingana na Muumbi huenda mwanamume huyo akawa aliuliwa mahala pengine kisha kuja kutupwa katika eneo hilo pale aliomba wakaazi kupatiana habari zozote zitakazosaidia polisi katika uchunguzi.
"Polisi wameanza uchunguzi kubaini chanzo cha kifo cha mwanamume huyo," alisema Muumbi.