Polisi eneo la Kariobangi katika mji wa Machakos wanamsaka mwanamume mmoja wa umri wa miaka thelathini anayeshukiwa kumbaka msichana was miaka sita.
Akidhibitisha kisa hicho, naibu wa chifu wa Machakos Township Fidelis Muli alisema kuwa mwanamume huyo anayekisiwa kuwa na akili punguani alimwita mtoto huyo aliyekuwa akicheza na watoto wenzake na kumhadaa, pale alienda kumbakia katika mto mmoja ulioko eneo hilo.
"Mshukiwa bado hajatiwa mbaroni, lakini uchunguzi umeanzishwa na maafisa wa polisi," alisema Muli.
Muli aliwaomba wazazi kuwachunga watoto wao, hasa wakati huu shule zimefungwa, ili kuepuka majanga ya aina hii.
"Ningeomba wazazi kuchunga wanao wa kiume na kike kwa pamoja ili kuwaepusha kutokana na visa vya aina hii," aliongezea Muli.