Wakazi wa eneo la Nyabite katika kaunti ya Nyamira wameomba maafisa wa polisi kuimarisha usalama katika eneo hilo.
Wito huo umetolewa baada ya watu wawili kuvamiwa kwa kukatwa katwa kwa upanga juma lililopita. Jambo ambalo limewapelekea wakazi kuhofya maisha yao.
Wakaazi hao wanadai kuwa kuna majambazi ambao wameongezeka katika eneo hilo na huwasumbua kwa kuwavamia kila wakati ifikapo mwendo wa saa mbili usiku .
Wakizungumza siku ya Jumanne katika eneo hilo la Nyabite wakaazi hao wakiongozwa na Duke Chomo na Douglas Nyanduri waliomba maafisa wa polisi kuanza kushika doria kwa kupiga patroli nyakati za usiku.
“Tunaomba serikali kujali maslahi yetu maana tunavamiwa kila wakati katika eneo hili la Nyabite na tunahofia maisha yetu kwa kuwa tupo hatarini,” alisema Chomo
"Tunaomba polisi kurejelea kushika doria na kupiga patroli nyakati za usiku ili kutusaidia,” alisema Nyanduri.