Wazazi wa shule ya upili ya Nyaguta eneo bunge la Nyaribari Chache kaunti ya Kisii wamempongeza Mbunge wa eneo hilo Richard Tong’i kwa kuikabidhi shule hiyo basi la shule ambalo limekuwa likisubiriwa kwa mda mrefu.
Hii ni baada ya mbunge huyo kuikabidhi shule hiyo basi mnamo siku ya Jumatatu, basi ambalo alisema linunuliwa kupitia pesa za Hazina ya Ustawi wa Maeneo Bunge. (CDF)
Wakizungumza nasi siku ya jumatatu katika shule hiyo wazazi hao wakiongozwa na Jackson Ochoke walisema Tong’i amewasaidia pakubwa kwani basi hilo litatumika kuwasafirisha wanao katika michezo na hafla zingine za kimasomo katika maeneo mbalimbali.
“Tunampongeza mbunge wetu kwa kuikumbuka shule yetu na kuikabidhi basi ambalo litatumika kufanya mengi katika shule yetu,” alisema Ochoke.
“Tunaomba mbunge kuwa na moyo huo huo ili asaidie shule zingine ambazo ziko hapa Nyaribari chache,” alisema Lydiah Bosire mkaazi mwingine.
Aidha, Tong’i alisema atajaribu kila awezalo kuhakikisha masomo yanapewa kipaumbele katika eneo bunge lake.