Mtu mmoja amefariki huku wengine 6 wakijeruhiwa katika ajali ya barabara iliyofanyika katika eneo la Nyatiki barabara kuu ya Kisii-Kilgoris
Waliojeruhiwa katika ajali hiyo walipelekwa katika hospitali ya Mafunzo na Rufaa ya Kisii kwa matibabu zaidi
Akitibithisha kisa hicho mkuu wa polisi katika kaunti ya Kisii Angnes Mudambi alisema ajali hiyo ilihusisha magari matatu wakati gari moja aina ya tinga lilipokuwa linapishana na gari ya uma kwa bahati mbaya yakagongana ana kwa ana na gari jingine la uma lililokuwa linatoka Kisii kuelekea Kilgoris.
“Ajali hii ilihusisha magari matatu aina ya tinga lilipopishana na gari jingine lakini kwa bahati mbaya likagongana ana kwa ana na gari jingine lililokuwa linatoka Kisii,” alisema Mudambi.
“Ni mmoja amefariki na wengine sita tayari wamepelekwa katika hospitali ya Rufaa ya Kisii kupokea matibabu zaidi,” aliongeza Mudambi.
Wakati huo huo, Mudambi aliomba madereva kuwa waangalifu barabarani ili kulinda maisha ya wengine.