Mwanamume mmoja wa umri wa makamo kwa jina Cliff Manyange kutoka kijiji cha Mwamogesa, eneo bunge la Kitutu Chache kusini amepoteza maisha yake baada ya kuishiwa hewa wakati alikuwa anatoa uchafu katika kisima kimoja cha maji katika eneo hilo.
Kulingana na walioshuhudia kifo cha mwanamume huyo, walisema marehemu alikuwa na mwenzake wakitoa uchafu ndani ya kisima na akakosa hewa na kufariki.
“Manyange alipoteza maisha yake wakati alikosa hewa ndani ya kisima na walikuwa na mwenzake ambaye tuliokoa,” alisema Elijah Kerunda, mkazi.
Wakazi hao waliwahimiza wanaofanya shughuli za kutoa uchafu kwa visima sawia kuwa makini ili kutofariki kiholela
Mwanamme huyo mmoja aliyeokolewa alipelekwa katika hospitali ya rufaa na mafunzo ya Kisii kupokea matibabu zaidi.
Pia mwili wa marehemu nao ulipelekwa katika hospitali ya Kisii level 6 huku uchunguzi ukiendelea zaidi kuhusiana na kifo hicho.