Polisi wamemtia mbaroni mwanamume mmoja wa umri wa makamu aliyezua vurugu katika kilabu kimoja katika Soko la Nguluni kaunti ndogo ya Matungulu pale alimjeruhi mwenye klabu hicho.
Akidhibitisha kisa hiki, chifu wa kata ya Nguluni Johnbosco Ndambuki alisema kuwa mwanamume huyo alifika katika kilabu kile kujiburudisha pale baada ya kulewa alidinda kulipa na badalayake kuzua vurugu.
Kulingana na chifu huyo ni kuwa baada ya mwenye kilabu kile kuwasili na kumtaka mwanamume huyo kuondoka kwani alikuwa anasambaratisha uuzaji katika kilabu kile, mwanamume huyo alimshambulia mwenye kilabu hicho na kumwacha na majeruhi.
Hapo ndipo maafisa wa polisi walipashwa habari na kufika na kumtia mbaroni mshukiwa.
"Polisi walijulishwa kuwa kuna mtu alikuwa anazua vurugu katika kilabu kimoja Nguluni ambapo walifika na kumshika pale alikuwa amemjeruhi mwenye kilabu kile," alisema Ndambuki.
Kwa sasa mshukiwa anazuiliwa katika kituo cha polisi cha Tala huku akisubiri kufikishwa kortini hivi leo.