Polisi kutoka eneo la Ngulunu Kaunti ya Machakos siku ya Alhamisi asubuhi walijipata na kibarua kigumu cha kumwokoa mwanaume mmoja kutoka kwa umati uliokuwa na ghadhabu kubwa.
Mwanamme huyu anayejulikana kama Omosh, anadaiwa kumteka nyara msichana wa darasa la sita na kumfungia nyumbani mwake ambapo alikuwa akimbaka.
Wazazi wa msichana huyo walikuwa wamepiga ripoti kwenye kituo cha polisi cha Nguluni siku mbili zilizopita baada ya mtoto wao kukosa kurejea nyumbani kutoka shuleni.
Inadaiwa jirani wa mshukiwa aliskia mayowe kutoka nyumba ya mshukiwa na baada ya kuchunguza alimpata msichana huyo amefungiwa humo ambapo aliwajulisha watu na kuja kumwokoa.
Umati huo uliambatana hadi pale mwanaume huyo anafanya biashara wakiwa na nia ya kumchoma lakini nia yao ilikatishwa na askari waliofika na wazazi wa mtoto huyo na kumwokoa.
Saasa mwanamume huyo anazuiliwa kwenye kituo cha polisi cha Tala huku akisubiri kufikishwa kortini hapo kesho (Ijumaa) sio kwa madai ya ubakaji tu bali pia ulanguzi wa madawa ya kulevya.