Mwili wa Mwanamume mmoja mwenye umri was makamo ulipatikana umetupwa karibu na mto Kithoni, kaunti ndogo ya Masinga. Akidhibitisha kisa hicho, chifu wa kata ya Kivaa alisema kuwa mwanamume huyo alikuwa amefunikwa kwa karatasi.
Aidha alikuwa akivuja damu kwa wingi kutoka kichwani.
Chifu Mutiso alisema huenda mwanamume huyo ambaye hata sasa bado hajatambulikaaliuawa kwingineko na kutupwa mahali hapo.
"Kichwa cha mwanamume huyo kimebondeka ishara kuwa huenda alipigwa kwa kifaa butu na alivuja damu kutoka mdomoni," Mutiso. Aidha Mutiso aliwaomba wakaazi kupiga ripoti iwapo wana habari zinazoweza kutatua kitendawili kinachozunguka mauaji hayo.
Mwili wa mwanamume huyo ulichukuliwa na maafisa was polisi kutoka kituo cha Kamburu na kupelekwa katika hifadhi ya maiti ya hospitali ya Embu Level 5 huku uchunguzi ukianzishwa.