Shule ya upili ya mseto ya Nyamagwa iliyoko katika kaunti ya Kisii imefungwa kwa majuma matatu yajayo.
Shule hiyo imefungwa baada ya wanafunzi wa shule hiyo kujaribu kuteketeza bweni la shule hiyo siku ya Jumatano lakini hawakufanikiwa baada ya moto kuzimwa kabla ya kusambaa kwa jengo la bweni.
Kumekuwa na mzozo katika mashule ya eneo hilo baada ya mabweni ya shule ya wavulana ya St John Nyamagwa, shule ya wasichana ya Nyamagwa kuchomwa kwa chini ya siku nne zilizopita.
Akizungumza siku ya Jumatano afisini mwake, mkurugenzi wa elimu katika Kisii ya kati Charles Nyaribo alisema wanafunzi hao walitaka kuchoma shule hiyo ya mseto, lakini moto ukatulizwa baada ya kuchoma vitanda viwili.
Wanafunzi hao walilazimika kutumwa nyumbani kama shule hizo zingine zilioko karibu hadi uchunguzi ukamilike.
“Hatujui kwa nini wanafunzi wanataka kusababisha hasara kwa kuchoma mabweni ya shule, lakini sasa uchunguzi umeanza kufanywa na majibu yatajulikana baadaye,” alisema Charles Nyaribo.
Chanzo cha kisa hicho bado hakijabainika.