p { margin-bottom: 0.08in; }
Watu wanne wameaga dunia na wengine wengi kujeruhiwa vibaya katika ajali ya barabarani iliyotokea katika soko la Kinungi kwenye barabara kuu ya Nakuru Naivasha iliyohusisha magari matatu.
Watu wawili walifariki papo hapo huku wawili wakafariki wakipokea matibabu hospitalini.
Ajali hiyo ilitokea baada ya lori moja lililokuwa likielekea Nakuru kutoka Naivasha kukumbwa na itilafu na kugongana na magari mawili.
Inarifiwa lori hilo lilikuwa linaendeshwa kwa kasi sana kilichosababisha ajali hiyo kuwa mbaya Zaidi.
Kulingana na daktari mmoja katika hospitali ya kaunti majeruhi saba wako katika hali mahututi.
Aidha dakatari huyo amesema kuwa majeruhi wengine wawili wamepelekwa katika hospitali ya Kenyatta jijini Nairobi kupokea matibabu Zaidi.